Barundi? Barundikazi, ndabaramukije!
Kuva muri kino gitondo (01/05/2014), vyinshi vyavuzwe kubijanya n'ihagarikwa i Buruseri mu Bubiligi ry'Umushingantahe Alexis SINDUHIJE , arongoye Umugambwe uharanira Gufatana mu nda na Demokarasi, MSD!
Kubera mbona ibihuha bitanguye kuba vyinshi, nagira ndabahe inkuru y'imvaho. Umushingantahe Alexis SINDUHIJE yashitse ku kibuga c'indege co mu Bubiligi muri kino gitondo, azanywe n'indege SN y'ababiligi. Hageze ko asohoka nk'izindi ngenze, basanze urupapuro ry'inzira rw'iwe bita passeport, harimwo ikagorane, agasorobo. Nawe nyene yaciye atangara kuko ejo yari yakoresheje iyo Passeport nyene ata ngorane.
Niho nkuko bisanzwe bigenda muvyo kuraba amategeko agenga ingenzi, ababijejwe baciye bamushira ahantu, kugira babanze batohoze neza ico kibazo passeport yiwe ifise! Baciye basanga, ivyo vyagizwe n'abategetse b'igihugu c'u Burundi. Basanze muri arya ma passeport mashasha baheruka gutangura gutanga, barashizemwo akantu, kabafasha kurangisha umuntu ariko araronderwa n'ubutegetsi, batarinze gufata passeport mu ntoke! Niho baciye bamenyesha umushingantahe Alexis SINDUHIJE ko ariko araronderwa (recherché) n'uutegetse bw'u Burundi.
Bigeze aho, uwusirukira u Burundi mu gihugu c'u Bubiligi (Ambassadeur) aherekejwe n'uwujejwe ivy'itohoza (1er Secrétaire d'ambassade) baciye baja kuri aéroport, bizera ko baca bagapfyonderamwo, ngo bamupfunungishe, bamuhezeyo!.
Ariko Imana ni nkuru, abategetse bo mu Bubiligi babankiye ivyo babasavye vyose, mbere barabankira n'uko begera aho Umunshingantahe Sinduhije yari ari. Batashe nkuko baje, bataha zirayoye!
Muti none bigeze he? Muri make, biriko bigenda neza. Kubijanye n'ivy'urupapuro rw'inzira, bamaze gutora ko ata mutahe mpuzamakungu wari kuri Alexis SINDUHIJE. Kubera bimeze uko, arafise uburenganzira bwo kwidegemvya mw'isi yose kiretse i Burundi bariko bamuhiga buhongo.
Ibindi vyose muriko murasoma kubijanye n'iyi dosiye, ni ibihuha! Nabonye abavuga ngo yoba yahagaritswe kubera yarafise uruhusha rw'urugendo (Visa) y'Ubutaliyano, ngo nico bamufatiye. Haba namba. Uruhusha rw'inzira (visa) afise yayironse muri ambassade y'igihugu kiri mw'ishirahamwe ry'ibihugu bihanye imbibe aha i Bulayi bita" Espace Schengen". Uti ryoba ari ikosa kururukira mu gihugu hama ushaka kuja ahandi? Haba na gato! Ivyo bihugu bigize Schengen bagize ayo masezerano kugira borohereze ingenze zo mur'ako karere Schengen. N'ukuvuga ko uronse visa uhawe n'ababiligi tuvuge, ushobora kururukira i Luxembourg, mu Bufaransa canke mu Budagi.
Muti none yamaze gutangura kwidegemvya? Ayo ariko ntamwanya munini usigaye. Ubu hariho utuntu dutoduto (formalités) turiko turakorwa, kugira umushingantahe Alexis SINDUHIJE ace yidegemvya aho ashaka hose, akurikije amateka n'amateka y'ibi Bihugu bicubaha amategeko, n'agateka ka zina muntu! Murakoze!
Par Jacqueline Nibaruta.
Kuva muri kino gitondo (01/05/2014), vyinshi vyavuzwe kubijanya n'ihagarikwa i Buruseri mu Bubiligi ry'Umushingantahe Alexis SINDUHIJE , arongoye Umugambwe uharanira Gufatana mu nda na Demokarasi, MSD!
Kubera mbona ibihuha bitanguye kuba vyinshi, nagira ndabahe inkuru y'imvaho. Umushingantahe Alexis SINDUHIJE yashitse ku kibuga c'indege co mu Bubiligi muri kino gitondo, azanywe n'indege SN y'ababiligi. Hageze ko asohoka nk'izindi ngenze, basanze urupapuro ry'inzira rw'iwe bita passeport, harimwo ikagorane, agasorobo. Nawe nyene yaciye atangara kuko ejo yari yakoresheje iyo Passeport nyene ata ngorane.
Niho nkuko bisanzwe bigenda muvyo kuraba amategeko agenga ingenzi, ababijejwe baciye bamushira ahantu, kugira babanze batohoze neza ico kibazo passeport yiwe ifise! Baciye basanga, ivyo vyagizwe n'abategetse b'igihugu c'u Burundi. Basanze muri arya ma passeport mashasha baheruka gutangura gutanga, barashizemwo akantu, kabafasha kurangisha umuntu ariko araronderwa n'ubutegetsi, batarinze gufata passeport mu ntoke! Niho baciye bamenyesha umushingantahe Alexis SINDUHIJE ko ariko araronderwa (recherché) n'uutegetse bw'u Burundi.
Bigeze aho, uwusirukira u Burundi mu gihugu c'u Bubiligi (Ambassadeur) aherekejwe n'uwujejwe ivy'itohoza (1er Secrétaire d'ambassade) baciye baja kuri aéroport, bizera ko baca bagapfyonderamwo, ngo bamupfunungishe, bamuhezeyo!.
Ariko Imana ni nkuru, abategetse bo mu Bubiligi babankiye ivyo babasavye vyose, mbere barabankira n'uko begera aho Umunshingantahe Sinduhije yari ari. Batashe nkuko baje, bataha zirayoye!
Muti none bigeze he? Muri make, biriko bigenda neza. Kubijanye n'ivy'urupapuro rw'inzira, bamaze gutora ko ata mutahe mpuzamakungu wari kuri Alexis SINDUHIJE. Kubera bimeze uko, arafise uburenganzira bwo kwidegemvya mw'isi yose kiretse i Burundi bariko bamuhiga buhongo.
Ibindi vyose muriko murasoma kubijanye n'iyi dosiye, ni ibihuha! Nabonye abavuga ngo yoba yahagaritswe kubera yarafise uruhusha rw'urugendo (Visa) y'Ubutaliyano, ngo nico bamufatiye. Haba namba. Uruhusha rw'inzira (visa) afise yayironse muri ambassade y'igihugu kiri mw'ishirahamwe ry'ibihugu bihanye imbibe aha i Bulayi bita" Espace Schengen". Uti ryoba ari ikosa kururukira mu gihugu hama ushaka kuja ahandi? Haba na gato! Ivyo bihugu bigize Schengen bagize ayo masezerano kugira borohereze ingenze zo mur'ako karere Schengen. N'ukuvuga ko uronse visa uhawe n'ababiligi tuvuge, ushobora kururukira i Luxembourg, mu Bufaransa canke mu Budagi.
Muti none yamaze gutangura kwidegemvya? Ayo ariko ntamwanya munini usigaye. Ubu hariho utuntu dutoduto (formalités) turiko turakorwa, kugira umushingantahe Alexis SINDUHIJE ace yidegemvya aho ashaka hose, akurikije amateka n'amateka y'ibi Bihugu bicubaha amategeko, n'agateka ka zina muntu! Murakoze!
Par Jacqueline Nibaruta.
Aucun commentaire:
Enregistrer un commentaire